01. UNGI L'ACURIU

 

A 'ddò mi scii truai!

Mi 'iddi intra na luce e poi trunò.

Tuttu mi 'mbuddhai

Fucivi allu pagghiaru ti Totò!

 

E ce ffuei mai!

Parìa ca sta ssi apre cielu e terra!

E cce ndi sai!

'Ddhà intra nc'era una e iò pruai

'Ndi approfittai!

 

Tinìa to' mmenne finche qua!

Ma era scuru sai e an facce iò no l'aggiu ista!

Menne finche qua!

'Ndi ibbi sanitate e bene

Quasi mentru 'llu crai!

 

Nsirrai la porta

Ttuppai e la citilena si stutò

E deddha stìa a ddhà

Mi tisse "Sontu la figghia ti Totò"

 

Mo' tu lu sai

Totò tene 'na figghia ca è di oru!

Però lu cuai

Gghè ca a me mi ccappò a manu la soru,

E no mmi ddunai!

 

Tinìa to' mmenne finche qua!

Ma era scuru sai ean facce iò no l'aggiu ista!

Menne finche qua!

'Ndi ibbi sanitate e bene

Quasi mentru 'llu crai!

 

Quandu l'aggiu 'ista allu sole era ulutu na maschera!

Ungi l'acuriu cumpare, era racchia lu sai

(Iò mi scantai)

Co' nu piattu ti fae!

 

Ce cardu an capu!

Mo' tocca mi la sposu ca cinò

Mi stocca l'osse

Titina, la mugghere ti Totò!

 

Queddha lu sai

Ae int'anni ca ole cu 'nzora sta figghia

E iò 'ccappai!

Comu nu crusciulone scrufulai

E mi 'nguaiai!

 

Tinìa to' mmenne finche qua!

Ma era scuru sai e an facce iò no l'aggiu ista!

Menne finche qua!

'Ndi ibbi sanitate e bene

Però megghiu ci no l'era 'istu mai!

 

Tinìa to' mmenne finche qua!

Ma era scuru sai e an facce iò no l'aggiu ista!

Menne finche qua!

'Ndi ibbi sanitate e bene

Ma mo' sto intra 'lli cuai!

Mato' sto intra 'lli cuai!

 

(Rap)

"Bona sera, so' Totò: Lu crusciulone?"

"Sontu iò!"

"Ah! Tice figghiama ca ieri ha fattu lu filibustieri.

Sta cchiuìa e tuttu ti paru sì trasutu allu pagghiaru Queddha gghè na bona agnone e invece tu,

si statu urpigghione! ........

 

Mo' lu sai lu tovere tua ci no cumandi 'tti fazzu la bua! Stu matrimoniu s'ha da fare,

La racchion... la figghia mia m'ha sistimare

Tu mi l'ha dissonorata

Tu mi l'ha disillibbata!

Ti casa mia si nd'ha bissire!

E quindi tu ti l'ha ggutire!

 

________________________

 

 

02. LA PURGISSIONE

 

La purgissione San Cosimu e Damianu

Ci vuei 'lla 'iti tocca 'ndi maniciamu

Dai mena e 'nchiana sobbra 'llu motorinu

Ci no mi sbagliu, aggiu 'istu nu luminu

 

Stringite forte ca tocca cu tiramu

Va bellu bellu, cu nno 'ndi spriculamu

Ci gghè bissuta ti ddo la Cattedrale

A st'ora pensu ca ha stare allu 'spitale

 

E 'ota 'ota ti qua, Scindimu ti lu Sannà

E 'ota 'ota ti ddhà, Spacca ti la 'ia Lata

E ci lu vigile 'nc'è: allora pensu ca ha 'rriare

Sta sentu cantare totte li piarelle.

 

Certu ca st'annu l'onu ccunzati belli

S'è 'mmurtalatu Pippi e li confratelli

Minti la vespa sobbra 'llu cavallettu

Fatte cchiù 'rripa e damme cu mmi ssettu

 

Ma quantu sordi ddha ssobbra allu cuscinu

E intra 'lla chiesia non c'ete cu trasimu

Sta sgarra totta, e stae menza distrutta

Ddhi beddhi sordi sape ci si li futta!

 

E 'ota 'ota ti qua, scindimu ti lu Sannà

E 'ota 'ota ti ddhà, spacca ti la 'ia Lata

St'annu la festa non c'è: lu vescuvu ndi l'ha 'lliata

Ti ddo l'è binuta? Non lo chiedere a me!

 

E 'ota 'ota ti qua

La chiesa scuncignata

E 'ota 'ota ti ddhà

La festa ndi l'ha 'lliata

Speramu armenu perciò

Ci ulimu ndi salvamu

'Rmenu 'ndi bionda San Cosimu e Damianu!

 

________________________________

 

 

03. COCA

 

Coca, manchi tu a Gisaria

Manchi a Leveranu

Ti cerca Tamianu

Ttaccate sta nnocca

Ci no ti troa si stocca

E cu spiccia 'sta storia

Ticu nu Pater Gloria

 

Coca tu mi manchi

La matina a mmienzu ffore

Mentre fazzu pitalore

Iò pensu a Coca

 

Coca, soruta Rusaria

Stae allu 'spitale!

Tu fatte truare

Ca mi pare a meve

'Acante quistu liettu

Qua senza Coca!

 

Coca, mmienzu alla campagna

Sulu iò so' persu

Chiama lu tottore!

Sta mi sentu nu tulore

Ca mi sgava intra llu piettu

No mi l'ieri bbuta fare

Tornate Coca!

 

Coca: ci so' statu ngordiu

Mi l'eri bbuta ddire

Ti pregu mo' ritorna

Qua stamu co' cataveri

E mammata mi 'lletica

E cu totta la trebbia

Mi secuta con rabbia!

 

E iò tegnu na colica

Sto minatu allu tivanu

Ma gghè sempre ventinove

Ti pensu Coca!

 

Coca, tornate a Gisaria

No mi 'bbandunare

Figghiuta non mbole

Cu mi sente a meve

La face a dispiettu

Tornate Coca

 

Coca, qua nc'è na mafagna

Mo' ca sta nci pensu

Ae 'intiquattr'ore

Ca no bbeciu Salvatore

Mi sa ca m'iti futtutu

E m'iti fattu curnutu!

Mannaggia a Coca!

 

_________________________

 

 

04. 'DDHRA SUSUSU ALL'ANDITA

 

Sorta, ce ccappai!

Ddo' mi scii truai!

Cu sta fatìa iò la sbagliai

No ssacciu mancu ci 'rrìu a crai

 

Lu mesciu qua lassò li fierri

Mo' tocca nchianu iò: ce niervi!

 

'Ddhrà sususu all'andità

Tocca cu 'nchiani propriu tu

'Ddhrà sususu all'andità

Porta li fierri allu mesciu

 

'Ddhrà sususu all'andità

Tocca cu 'nchiani propriu tu

'Ddhrà sususu all'andità

Ci scruefuli si futtutu!

 

Statte accortu cu no 'mpica

Mo' passa e tienime la rica

Minti to' craffie alla culonna

E cu ti scanza la Matonna

 

Lu montacarichi scasciatu

E lu taulone m'ha sbutatu!

 

'Ddhrà sususu all'andità

Tocca cu 'nchiani propriu tu

'Ddhrà sususu all'andità

Porta li fierri allu mesciu

 

'Ddhrà sususu all'andità

Tocca cu 'nchiani propriu tu

'Ddhrà sususu all'andità

Ci scruefuli si futtutu!

 

_________________________

 

 

05. STARE SENZA BITÉ

 

Ha dittu tice lu ministru ca imu sparagnare o nui

Sì e no tra n'annu divintamu tutti poveri

Piccé sordi non ci nd'è

Iò scìa cu ccattu mentru a ieri a ddhà 'llu salumieri

E lu pajava sempre e mo 'invece no llu paju cchiù!

 

Ae to' misi saperà, o puru tre

Ca no mangiu cchiù purchetta

Ca sordi non c'è

Paja corrente, glione e sarmente...

 

Tegnu nu figghiu ca cu mangia vae rrubbandu ed io

Ti nu momentu all'addhu spicciu intra 'llu carciru

Piccé minorenne gghè!

Nd'onu tagghiatu lu telefunu, la luce e poi

Nusterza notte nd'onu chiusu puru l'acquetottu!

 

E iò mo' tegnu nu cuai: Murroite!

E senz'acqua co' ti llai? Forza, timmila te!

No tegnu bene, sta passu li pene!

 

Stare senza bité, io no

Stare senza bité: no ssi può!

Specie ca poi cchiù ti passanu l'ore

Cchiù scoppi pi l'uscore!

 

Stare senza bité, io mai

Stare senza bité: non potrei!

E mo' ca fatiamu

No paja mai lu patrunu!

 

Vistu ca non c'è versu cu mi llau io

Sta bbandu bbeciu ci mi acchiu na pumata

Tegnu l'Hirutoite!

Tice muggherima ca queddha no mi serve e poi

Mi sa ca è megghiu ffazzu na scappata

A ddhà 'llu mieticu

 

E cino mo sai ce nc'è? Vo' ddhà Totò!

Quiddhu l'acqua mi la 'mpresta ca poi li la to'...

Iò non di l'aggiu

Mo' ae ti maggiu!

 

Stare senza bité, io no

Stare senza bité: no ssi può!

Specie ca poi quandu passanu l'ore

Ti torna lu bbulliore!

 

Stare senza bité, io mai

Stare senza bité: non potrei!

Tocca cu spettu mmi tae lu stipendiu

Ma mentru ttandu ahi ahi!

 

_________________________

 

 

06. TORO-EMA

 

Prendi una tonna, futtila a mare

Fa cu si 'mpara a natare

E ci no 'mbole portala fore

Fa cu riccogghe cicore!

 

Falle 'itìre ca sì cumandante

Talle cuerpi, cchiù cuerpi ca puei

Quandu la sera ti 'lliei li mutande.

Ti quarda intra 'll'uecchi e ti tice: "Ce bbuei?!?!?"

 

E allora 'itìmu ci cumanda qua

Ci gghè lu masculu o la femmina

E allora 'itìmu ci cumanda qua

Ti la mugghere t'ha fà rispettà!

 

Pigghia na tonna, stoccale l'anche

Fa cu zumpa pi llu tulore

No fare bbili cu ssi la scanza:

Talle, fa cu vae allu tottore!

 

Falle 'itìre ca tu no ssi fessa

Poi l'ha dire ca la atti piccé

Tu sta 'rrìvi straccu ti mienzu a fore

E lu piattu prontu a 'ntàula non c'è.

 

E allora 'itìmu ci cumanda qua

Lu piattu a 'ntaula mi la fa' trua'!

E allora 'itìmu ci cumanda qua

Quandu vo' straccu ogghiu mangiu a tattà!

 

No cara amica, no sciamu t'accordu

Tocca tti la ribadicu!

Gghè l'una e menza e non ha mminisciatu

E iò mo' tocca mi sbricu!

 

Non esiste ca faci palore

Piccé oce Tumenica gghè

T'aggiu tittu aggiu scire allu campu:

Lu sai la partita oce zzacca alle tre!

 

Senza pallone un uomo che cos'è?

A qua bisogna mmi la 'mpueggi a me!

Senza pallone un uomo che cos'è?

Lu campu è l'unica legge ca nc'è!

 

_________________________

 

 

07. IMU SCIRE ALLU 'INDIMARE

 

Azzate mi raccomandu ca imu scire allu indimare

Ci 'nc'ete ua a ccugghire ancora

Ci 'nc'ete ua a tagghiare

Azzate cumpare Armandu ca imu fare li carrare

Ca cinò culla tina an cueddhru no puei passare

Ca cinò tu culla tina an cueddhru an terra vai!

 

Sontu iò e si puru tu

Ca imu scire cu mmuntamu

Iò zzaccu ti sulla strata e tu ti l'addhra manu

E sontu iò e si puru tu

Ca 'nd'imu fare sei orte

Ca 'nd'è piaciutu cu sciucamu ieri a staccia

E oce sta 'ndi pare 'nforte

E sontu iò e si puru tu.

E sontu iò e si puru tu.

 

Azzate mi raccomandu ca imu scire allu indimare

Ci 'nc'ete ua a ccugghire ancora

Ci 'nc'ete ua a tagghiare

Azzate cumpare Armandu ca imu scire allu indimare

Ci 'n'c'è 'na tina a bbinchire ancora lassala a ddhrà

Ci 'n'c'è 'na tina a cariciare allora 'nducila a qua!

 

E sontu iò oppuru si tu

Ca ha piertu l'uecchi pi lu scantu

Ca ti friseddhe ti 'ndi futti quattru cocchie

E poi pi lu tulore vai allu chiantu

E invece iò lu sai puru tu mi calu megghiu alli miluni

Ca ti onchianu la panza e di notte

'Mbueddhi tutti li caciuni

E lu cchiù fessa tra meve e te,

Mi sape tantu ca no sinti te!

 

Azzate cu cetti sangu, ca imu scire allu indimare.

 

Sontu iò, sontu propriu iò

Ca mo' ti to' an capu lu specchiu

Ci no ti mieni ti lu liettu ma veloce,

'I ca ti sputu intra 'n' uecchiu

Ca muggherima queddhra racchia,

Mi 'nd'ha minatu all'istante

Ca intra lu liettu queddhra m'ha misu,

Tre scurzuni e do' tarante

E mi azzu iò, ti azzi puru tu.

Mi azzu iò, ti azzi puru tu!

 

Azzate cu cetti sangu, ca imu scire allu indimare.

.......................................

Azzate cumpare Armandu ca imu scire allu indimare

Ci 'nc'ete ua a tagghiare ancora si taggherà!

Ci 'n'c'è 'na tina a bbinchire ancora lassala a ddhrà

Ci 'n'c'è 'na tina a cariciare allora 'nducila a qua!

Lu candillinu ti l'ha sucare ancora:

Cumpare Arma'!!!

 

_________________________

 

 

08. MESCIA GINA ABATE

 

Ma ce cazza vuei?

Iò mo' sta vvo alla zzita!

Imà: li cazzi nuei

So' stritti ti la vita

 

Mo' vo' ti press

Lu prete già sta prea

Rischiu cu mmi perdu

Cunfetti e bomboniera

 

Ci tu sta biessi a ci li li to

Ci tu sta biessi a ci li li to

 

Va' portali ti pressa a

Va' portali ti pressa a

Va' portali ti pressa a

 

Mescia Gina Abbate

Mescia Gina Abbate

 

È sciuta a spassu paru Totò:

M'ha dittu l'agnone ca non ci sta.

Ci ogghiu qua nc'è Pippi e 'Ntunietta

Tornu quand'è crai però crai mi la fa!

 

Sta sienti quand'è crai tornu iò

Sta sienti quand'è crai tornu iò

 

Alle ottu, le ottu e menza

Alle ottu, le ottu e menza

Alle ottu, le ottu e menza

 

Mescia Gina Abbate

Mescia Gina Abbate

 

Quattru lemoni cu ssi ripigghia Totò

La figghia sta cumbatte

A tutti tice. "Sciò"

Gina ha pruatu ssi ccite perciò

Tocca cu mi capacitu,

Mi giru e mi 'ndi vò.

 

E mo' 'sti cazzi a ci li li to'

E mo' 'sti cazzi a ci li li to'

 

Cu gli egna na saiemma!

Cu gli egna na saiemma!

Cu gli egna na saiemma!

 

Mescia Gina Abbate

Mescia Gina Abbate

 

S'è minata intra 'llu cess

S'è minata intra 'llu cess

 

_______________________

 

 

09. 'ULIA TTI CETTU QUIDDHI SANNI

 

'Ulìa ti cettu quiddhi sanni

Prima cu rrivi a quindici anni

E poi mi sentu cu do' cori

Ci t'aggiu fare l'uecchi 'gnori

E mi 'ndi lleu lu pinsieri!

 

'Ulìa ti cettu quiddhi sanni

Ci va mi ccappi intra lli manu

Ti spezzu fibia e sperone

Poi la clasvicola e l'esternu

Ma puru ca si ancora agnone

Iò no mi fitu cu ti 'nfeeerru

 

OOh! Ce dulore intra la spaddha:

M'è scalata l'ernia

Ooh stu tulore, sta mi scumpigghia!

 

Mbee!

 

'Ulìa ti cettu quiddhri sanni

Ti scasciu a ncapu 'nu margiale

E megghiu parti ti qua nnanzi

Ma per il tuo bene

Prima cu ti fazzu male!

 

'Ulìa ti cettu quiddhi sanni

Ti to' 'nu cuerpu ti judò

Lu contropelu alli basette

Lu taccu intra lu palatu

Ma ci mi quardi cu quiddh'uecchi

Megghiu mi to' malatu

 

'Ulìa ti fazzu tantu male

Pi li cose ca m'ha ddittu

Mo' ti fazzu na ceretta

Alli pili ti lu piettu

 

Ce sta faci cu 'ddha zzappa

Statte cuetu ragiunamu

E mi raccomandu l'anima

Cu no mmi rimane a manu

 

Ooh! Ce dulore intra la capu

È 'rriatu lu caniatu

Ooh! Stu tulore sta mi ssabbissa

Spicciamula sta rissa Ooh!

 

Quistu sta mi tempesta

E m'aggiu misu intra li Guai!

 

E m'ha cittatu mienzi sanni

Abbia ca l'aggiu quarant'anni

E ci mi rronzu 'n'addhra fiata

Se mi ene cu fazzu mazzate

È megghiu cu fazzu pinsieri!

 

_________________________

 

 

10. CI TORNA LI LA TICU

 

T'ha misu la sveglia alle nove e venti

Ca cu bba' fatii non buei ndi sacci nienti

Ti la faci sulu cu lli telinguenti

E mi cerchi sempre a meve li contanti

 

Ma stasera quando 'rrìa santu Mazzone

Fazzu cu nno biessi mancu susu allu purtone!

Oce sai fazzu 'bbiti però

Ca imu 'rria' a ci si tu e ci so' iò!

 

Sona menzatìa e ancora tu sta duermi

E iò sta mi ulutu già a mienzu alli iermi

Ti pigghi lu cafè senza facce llavata

E iò m'aggiu fattu già menza ciurnata!

 

Mo' ci torna li la ticu e a qualunque costu

Aggiu fare ti li tae, m'ha lliare stu custu!

Tieni già intott'anni lu sai

Ma tu no, non ci pienzi allu crai!

 

Ci eri comu me ieri chinu già n' addhu tiralettu

Ma so già le tre e tu ancora stai stisu intra 'llu liettu

No ti campu cchiù e di quand'e ccrai va troate na casa

Ca ci no fatii non ci riescu cchiù mancu pi lla spesa!

 

Na fatìa, Na fatìa, Na fatìa!

Ti ndi bbinchi criti sai ca non ci cangiu itea!

No ssi può, no ssi può, no ssi può

Stindicchiatu intra llu liettu

Ci mi fitu ulìa ti attu, no ssi può!

 

Ticu, ma ci t'ieri armenu tiplomatu!

Nu stuezzu ti carta e t'ieri sistimatu!

Trentato' milioni allu bricatieri

E t'era 'mbattutu alli carabinieri!

 

Quante fiate t'aggiu tittu: "t'ha occupare"

Piccé sempre iò a te no ti pozzu campare!

Tegnu già settant'anni, paliò:

Ci nci so' oce, crai non ci so'!

 

Ci eri comu me sta 'nfilài tabbaccu comu na saietta

E invece stai 'ddhrà

Cu ti squagghi fumu intra 'ddha sicaretta

Non di l'aggiu cchiù, malitettu a te e ci t'ha scuncriatu

Era ulutu nu figghiu tottore e invece si nu sciabbicatu!

 

Sorta mia! Sorta mia! Sorta mia!

..............................................................

No ssi può, no ssi può, no no ssi può!

Cu tuttu ciò ca mi si figghiu

Ci mi fitu ulìa ti squagghiu, no ssi può!

Propriu no!

 

_________________________

 

 

11. MESCIO TI QUALITÀ,CERTAMENTE

 

Una vecchia bitoniera

Chena ti conza ti prima manu

Cu cementu, tufu e sabbia ti Nevianu!

 

Mi la pigghiu ca mi serve:

M'aggiu spicciare la casa a Ggisaria!

 

Sulli scale travertinu

Sulli scaluni monocottura

Tracciatu tiaconale culla fuga

E lu battiscopa marrò!

 

Cerco un mescio di qualità, piastrellista

Ca no lli fazzu mai mancare la fatìa

Mancu quandu è festa!

Overrennoveraghè!

 

Cerco un mescio di qualità, 'nu tubbista

Cu no mi fazza mai mancare l'acqua cauta

Specie quandu è festa!

Overrennoveraghè!

 

Sta mmi ciocu nu miliardu

Cu paiu tutti li mesci

E quiddhi cchiù cari so' li 'ntunicaturi!

 

Li finescie ti alluminiu

Però quiddhu fintu legnu

Ca pare cchiù bellu e 'nc'è puru a colori!

A me mi piace lu avana!

 

Cerco un mescio di qualità, 'nu marmista

Cu mi fazza li soglie allu fucalire

E alla porta-finestra!

Overrennoveraghè!

 

Cerco un mescio di qualità, elettricista

Cu mi mmunta li lampatari

E puru li faretti pi lla festa!

Overrennoveraghè!

 

Quattru pari pari

Quattru pari pari

Quattru pari pari Overrennoveraghè!

 

___ _________________________

 

 

12. IENI BBÌ

 

Quandu truai la mmachina singata

Iò con calma ti chiamai

Ieni 'bbì ce ha fattu, ieni 'bbì...

 

E poi sciucandu a palla m'ha

Scasciatu la vetrata, e mo'

Ieni 'bbì ce ha fattu, ieni 'bbì...

 

Ieni 'bbì, ieni 'bbì, ieni 'bbì, ieni 'bbì...

Ieni 'bbì ce ha fattu, ieni 'bbì...

 

E ti 'mpristai li bricichette:

L'ha forate totte toi!

Ieni 'bbì ce ha fattu, ieni 'bbì...

 

Tinìa la bomboniera ti quandu

Ha sposatu soruta...

Mi l'ha spriculata! Ieni bbì!

 

Ieni 'bbì, ieni 'bbì, ieni 'bbì, ieni 'bbì...

Ieni 'bbì ce ha fattu, ieni 'bbì...

 

Ieni 'bbì, ieni 'bbì, ieni 'bbì, ieni 'bbì...

Ieni 'bbì ce ha fattu, ieni 'bbì...

 

Ieni 'bbì, ieni 'bbì, ieni 'bbì, ieni 'bbì...

Mi l'ha spriculata! Ieni bbì!

 

Ma questa no mi l'ieri fare

La capasa propriu no

Ieni 'bbì ce ha fattu, ieni 'bbì...

 

Ca nc'era li 'ulìe gnore

L'era fatte propriu iò!

Lliatibbe ti nanzi, Lliatibbi!

 

Lliatibbi, lliatibbi, lliatibbi, lliatibbi!

Lliatibbe ti nanzi, Lliatibbi!

Lliatibbi, lliatibbi, lliatibbi, lliatibbi!

Li cuastu la facce, lliatibbi!

 

_________________________

 

 

13. PERENOSPULA

 

Mena mena 'Ntunietta

Mena mena 'Ntunietta.

 

Ccugghite ca sta scuresce

E poi iò no bbeciu cchiù

Meh, no ffare cu ti ncresce

Pigghiame 'ddha proule blu

Bbiciname ddhu bitone

Ca iò enchiu lu pilone

Qua oce imu spicciare

No pozzu turnare crai

Mena, bbocca lu liquidu

 

'Ccitimu sta perenospula

'Mbilinamula! Cu no torna cchiù!

Perenospula, 'ddhu 'erme ca

M'ha misu sempre intra lli guai! Ahi Ahi!

 

Uh Uh Mena Mena

 

Quarda queddha: sta 'nfannecia...

Mancu ca sta puempi tu!

So' rimaste a fare tre quattru filare

E poi scapulamu!

Speriamu cu tenge bbona

La pampana cu ssi 'ddona

Ca 'nc'ete la miticina

E cu no 'mmalazza cchiù!

Cinò, tocca lla nzurfu!

 

Mannaggia alla perenospula!

Gghè 'nna tiaula! Non ci more mai!

Perenospula... Queddha bastarda

Oce vae, ma torna crai!

 

Uh Uh Mena Mena

Mena mena - Mena Mena

Mena mena 'Ntunietta

Mena mena 'Ntunietta.

 

Sciacquate la menza e sciandile

Ca ormai lu sole non c'è cchiù

Iò li to' na botta a 'st'arulu

Ca no mi sta mmi caccia cchiù

Mancu na pesca! Oh no,

O n'arnacocchia! Oh, no!

Ma cuarda un po' tu co' tocca campa

Nu poveru furese

Spende tanti sordi e no ccogghe nienzi,

E iò megghiu cu non ci pensu

'Utamu l'ape e sciandile, meh...

Mena la pompa e lu bitone sobbra.

Mena 'Ntunietta pi favore.

 

Mintime la pompa 'ddhà

'Ddhà ssobbra 'll'apiceddha

 

Ccugghite ca sta scuresce!

 

Caricala 'Ntunietta

Caricala 'Ntunietta

 

_________________________

 

 

14. EHI, UCCIÙ

 

Ehi Ucciù: stai intra 'lli cuai

Sta ti 'ssama qua la cramegna

Va mmena lu seccatuttu o tu

No bbiessi cchiù ti 'ddha cramegna

 

Ehi Ucciù, ma comu gghè

Puerti 'ddh'uecchi mmattuliciati

Va mmenate sullu liettu e la free

Pordarsi puru cu no tti egna

 

E mo' m'ha dire comu mai, Ucciù, ti truai

Ca sta tti 'ccattavi 'na berlina.

Tu sordi non d'ha bbuti mai e mo' tu l'hai

Non è ca m'ha fattu na cinquina!

 

Na na na na na na na naaaa!

 

Ehi Ucciù, ma comu gghé

'Nd'ha tiratu 'ddhi beddhe igne

E invece cu tagghi l'erva mi sa

Ca sta la eciu sempre cchiù ierta...

 

Mo' ca nci pensu: martedì, Ucciù, 'iddi

Ca ti riccugghivi la chiantime

E nustirzignu ca passai sta lla pumpai

E poi l'ha minatu la cuncime!

 

Na na na na na na na naaaa!

 

Ehi Ucciù, ma cuarda qua

Ce fugghiazze questa cramegna

È strana e mi sa tantu a me

Questa no gghè filu cramegna!

Mena mena mena mena Mena mena Meh!

 

Na Na Na Cananapa! Cananapa! Ehi Ucciù!